لأول مرة .. رئيس الجمهورية مذيع في رمضان

عملت الإعلامية آمال فهمي فكرة جديدة هيتم اذاعتها يومياً في شهر رمضان الجاي علي موجة إذاعة البرنامج العام وهي برنامج "الشعب يسأل .. والرئيس يجيب"، وبتقوم الفكرة علي إنه هيتم فتح مجال الاتصالات للمواطنين عشان يتكلموا مع الرئيس محمد مرسي ويقولوا مشاكلهم أو اقتراحاتهم أو رؤيتهم، ويوصلوا ليه رأي الشارع في الأحوال العامة للبلد، وبعدها هيتم نقل كل المكالمات دي للرئيس محمد مرسي وهيقوم بالرد عليها.
البرنامج هيتذاع يومياً في رمضان وهيكون مدته 5 دقائق، وقد أعلنت الإذاعة إمبارح عن فتح باب الاتصالات علي رقم تليفون ٧٣٩٦٤٧٥٢ من الساعة 5 إلي الساعة 7 مساءاً وهتستمر لحد شهر رمضان، وهيقوم مجموعة من كبار الإذاعيين بتفريغ اسئلة المواطنين وحصرها وبعد كده هيبعتوها لمكتب رئيس الجمهورية وهيقوم الرئيس بالرد عليه واذاعة الحلقات كل يوم بعد أذان المغرب.