اشتري المصري...........ضياء عزت

قـرَّب، قرب، قرب

قــَّربي يا هانم، قرب يا بيه..

هنا ع الفرش

بنبيع المصري تعالى اشتريه!..

وماتفكرش

الحقو قبل ما نشطب!

قــَّرب، قرب، قرب.. واللي ما يشتري يتفرج!

مش بنهرج!

مابنهزرش!

ولا بنلعب

معانا هنا المصري..

موجودة كل الكماليات

حتى عيوبه بتبقى ميزات!

حضارة آلاف السنين.. وفي نفس الوقت شيك وعصري!

رجولة، وصبر، ودين.. وخفة دم وطيبة حصري

والسعر كام؟!.. السعر كاااام؟..

أرخص من تمن الرصاصة!

السعر كام؟!.. السعر كاااام؟..

المصري في سوق النخاسة..

بخمسين قرش!!

قربو ومحدش يستغرب!!